Ek Aakhiri Koshish..............

Ek aAkhiri koshish, 

kuch ker dikhane ki

Mushkilo pe fateh karke missal ban jane ki

Andhere rasto pe chalte hue mashal jalane ki

Ek aAkhiri koshish, suraj ko diya dikhane ki

Ek aAkhiri koshish,

 badalte hue waqt ko rok pane ki

Viprit paristhiti mein bhi kamyaab ho jane ki

Khuli ankho se sundar sapne sazane ki

Gamo ke bich bhi khushiya lutane ki

Ek aAkhiri koshish, 

Khud ko sabit karke , phir se nazre uthane ki

Beete hue bhayanak kal ko hamesha ke liye gehari neend sulane ki

Bhagya ki lakeero ko apni mutthi mein dabane ki

Puri duniya se apni sacchai ka loha manvane ki

Ek aAkhiri khoshish  

kaisi hai kashmakash

kaisi hai yeh kashmakash

q hai zindagi ek paheli

sidhe raste par chal rahi hu

phir bhi dol rahi hai nauka meri.

door hai mera lakshaya

par us tak pahuchne ka rasta mein janti hu

soch ka dayra hai bada mera

par apni simao ko pahchanti hu

mushkilo ke bina safar me vo bat nahi hoti

bina savere ke kabhi rat nahi hoti

zarurat hai to bas apni kabiliyat ko pahchanne ki mere dost

qki mushkilo me yeh duniya aksar sath nahi hoti

chehre badal jate hai logo ke samay ke sath

badal jata hai logo ke bat karne ka andaaz

kaise bol dete hai bhool jao mujhe

aur bhool jao mujhse jude sare zazbaat

ant me yahi kahugi

apni bhavnao ki kabhi numaish na karna

apni khushiyo ke liye kisi ke sath zor azmaish na karna

apni hi zindagi ko sawar lo dosto

qki akele hi aye te is duniya me, aur akele hi hai marna.

Guru

Gyan Ka bhandaar hai jo

Doobte ko tinke ka asaar hai jo

Ishvar ka asli akaar hai jo

Shakti ka sanchaar hai jo

Guru hi gyan ka path padhata hai

Guru hi sach jhuth ka bodh karata hai

Guru hi apne haq ke liye ladna sikhata hai

Guru hi insaan ko insaan banata hai

Dronacharya bhi guru hai

Vedvyas bhi guru hai

Chankya bhi guru hai

Samarth Ramdas bhi guru hai

Guru hi vyaktitva ka vikas karta hai

Guru hi naye yug ka agaaz karta hai

Guru hi buraiyo pe prahaar karta hai

Isiliye Guru ki pooja sara sansaar karta hai 

Darr Lagta Hai Mujhko

Darr lagta hai mujhko, duniya ki yh bhid dekhkar,

Jaha har koi dekhta hai tamasha, keval paisa fenk kr,

Paisa aisi chiz hai, jise koi kehta aham hai, koi kehta vaham hai,

Koi kehta ye to apna apna karam hai, ar upar vale ki raham hai.

                                   Kise dosh du, smaj me ho rahe anyayo ke liye,

Koi to hoga masiha, garib lachaar ashayo ke liye,

Har jagah bas maramari hi dikhai de rahi hai,

Ab kya kare sarkar hi to sabko dhilai de rahi hai,

Jo bhrashtachar ko galat btata hai, vo khud hi bhrashtachari paya jata hai,

Aam janta jinki karti hai andh bhakti, nahi hai unme nek kam krne ki shakti,

Kya ummid kare hum, uchit nyay dilane vale nyayaly se,

Nyay to tab bhi nahi milta, jab bande ka dana pani uth jata hai shavalay se.

Ek taraf berojgari ka bol bala hai,

Dusri taraf baba vairagiyo ne har jagah apna danka baja dala hai.

Ek taraf desh vikas ke path pe age badh raha hai,

Dusri taraf in baba logo ka jhutha khumaar logo ke sir pe din b din chad rha hai.

Apne sath galat ho to duniya ko kosa jata hai,

Per khud kabhi dusro ke sath acha kerne ke bare me nahi socha jata hai.

Yh desh kab sudhrega, jo vyakti apko asa bolta milta hai,

Vahi dusre pal, petrol me diesel, ar dhudh me pani gholta milta hai.

Jis maa ko insaan bhagwan se bhi upr smjhta hai,

Phir q usi maa ke naam pe dusro ko gali diya karta hai.

Dusre ki chodho, pehle khud ko to sudharo yaaro,

Kabhi to dil se ishvar, allah ar isa ko pukaro yaaro.

Dosto is desh ki bagdor apne hi hatho me hai,

dikkat yh hai ki junnon hmare hatho me nahi keval bato me hai.

Yahi sochte sochte mudda yahi khtm ho jata hai,

Rat beet jati hai, ar naya din nikal ata hai,

Phir shuru ho jati hai, duniyadari, smaj ar sahi galat ki bate,

Jab kisike sath hota hai kuch galat, ar koi nahi deta hai uska sath,

Tab phir se karti hu mai, apni kavita ki shuruat

Darr agta hai mujhko, duniya ki yh bhid dekhkar,

Jaha har koi dekhta hai tamasha, keval paisa fenk kr.....

Behti Hwa

Behti hwa kabhi ruk bhi jaa

Le chl mujhe bhi tu apni disha...........

Jha Her taraf sukoon ho, Her kisi pe yakeen ho

Koi uch nich ni, na koi raja ar na hi koi muneem ho.

Baarish ki boondo se khushiya milti ho,

Pyaar k bdle bazaar me chize bikti ho.

Jha hisab krne ka naa ho koi tarazu,

Le chal mujhe vha, Bs yhi h meri arzoo.

Behti hwa kabhi ruk bhi jaa

Le chal mujhe bhi tu apni disha.............

Jha icchao pe smaaj ki naa koi lagam ho,

Khush rho aur rhne do,bs yhi ek paigam ho

Jha soch ar vichar pe na ho koi bandishein,

Jha bhai bhai k bich me naa ho koi ranzishein

Behti hwa kabhi ruk bhi jaa

Le chal mujhe bhi tu apni disha.........

Hu Mein Teri Parchaai

Ha, hu me teri parchaai……

Tere hr jhut k piche chipi teri ek sachhai

Teri lakho buraiyo k bad b teri ek acchai

Hu me teri perchaai……….

Ha, hu me teri muskaan ki vjh

Tera hr kasoor,teri hr khata

Teri hr glti ki saja

   Teri preshaani me hu me tera pata

Qki hu me teri muskaan ki vjh

Ha, hu me teri ek khaani

Jo kl ho jayegi puraani

Jaise krishn ki radhika deewani

Vse hu me teri ek khaani

Ha, hu me tujhse todhi si alg

Jaise h dhrti ar falak

Pir b kshitij pe dono mil jate h

Ar apna antr bhul jate h

Shamil kr lo tm b mjhe khud me khi

Taki ho jau me sbse alg

Ha, hu me teri ek pyaari si soch

Preshan krti hogi tujhe hr ek roj

Spne dikhati hogi tujhe naye naye

       Teri y ek pyaari si soch…………………..

Main Hi Abhiman Mera

Khuda ki rehmat samjhu ya khud ki badnasibi

Jo ho raha hai,  vo sahi ya galat,

Yeh mujhe bataye kaun, rasta dikhaye kaun

Dhundhla hai safar, ab diya jalaye kaun.

Chal rahi hu akle, sathi hai anjan mera,

Main hi hu apni lathi, main hi abhiman mera.

Sochti hu sikh lu har hal main rehna,

Khushi ke sath kuch had tak gam bhi sehna.

Jis nav ko khe rahi hu, shayad gam ko hi nyota de rahi hu.

Hakiqat se muh nahi modna chahti,

Bas hakiqat ko apne age hu todna chahti.

Jo ker rahi hu, vo sahi ya galat,

Yeh mujhe bataye kaun, rasta dikhaye kaun

Dhundhla hai safar, ab diya jalaye kaun.

Chal rahi hu akle, sathi hai anjan mera,

Main hi hu apni lathi, main hi abhiman mera.

Darti hu,  kahi is rah pe kamzor na pad jau main,

Upar vala bhi sath dega, agar apni is zid pe ad jau mein,

Aur use pura karne ke liye is zmane se b lad jau mein.

Shiddat ho dil me, to khuda khud chalkar darwaze ata hai,

Zunoon ho man me, tabhi insaan duniya ko jeet pata hai.

Jo soch rahi hu, vo sahi ya galat,

Yeh mujhe bataye kaun, rasta dikhaye kaun

Dhundhla hai safar, ab diya jalaye kaun.

Chal rahi hu akle, sathi hai anjan mera,

Main hi hu apni lathi, main hi abhiman mera.

Hu Toh Ek Ladki Hi Naa

Hu to ek ladki hi naa,

janam lia mahlo jaise ghar mein,

chaav rahi mata pita ki sir pe,

nahi seekha jeena kabhi darr ke,

kuch bhi kahti rahu per mai,

hu to ek ladki hi naa.

jo maaga turant mujhe mila,

naa hai koi shikva, naa hi koi gila,

hey Ishvar her janam mein yahi maa baap mujhe dila,

jinhone mere bure vyvhar ka bhi dia hmesha acha hi sila,

phir yaad ata hai mujhe,

kuch bhi kahti rahu per mai,

hu to ek ladki hi naa.

jo chti hu, vo karti hu,

nahi kisi se mein darti hu,

kuch banne ka sapna dil mein liye,

mai bhi lagan ke sath padhti hu,

pir yad ata hain mujhe........................................................

ghar se niklti hu jab mai bahar,

dil mein darr liye ar ankho mein sahas,

meri bhi hai kuch icchayein, meri bhi hai chahat,

kaise pura karu unhe, kaise du khud ko rahat,

pir yaad ata hai mujhe...................................................

shaam hone se pahle ghar a jana, asa maa khti hai,

ek ladki hi to in niyam kanoono ko zindagi bhar sahti hai,

phir bhi vo dusro ki khushiyo mein hi khush rhti hai,

jab akeli hoti hai, tab uski ankho se nadiyaa bhti hai,

pir yaad ata hai mujhe....................................................

koi kuch bhi kehta rahe, mein hmesha chup rahugi,

koi kuch bhi galat kre mere sath, mein chup rahkr sahugi,

virodh karu bhi to kiske dum pe,

apni vedna mein kisse kahugi,

pir yaad ata hai mujhe......................................................

q banaya upar vale tune mujhe,

jiski khud ki koi pehchaan nahi.

kitna bhi nyochavar kar du apni khushiya kisike liye,

phir bhi kisi ki nazro mein mera koi ahsaan nahi.

phir yaad ata hai mujhe....................................................

ant mein mai guzaarish karti hu aap sabse,

samman ki guhaar kar rahi hu kab se,

tumse bhi judi hu mai kisi naa kisi roop mein,

bahan ka asra musibat mein, maa ka saya dhoop mein,

mai hi hu durga, mai hi hu kali,

raham karo mujhpe, meri ye kavita na jaye yuhi khali,

apni soch ko kuch to badlo, mat karo bura kisi ladki ke sath,

tum bhi ho kisi ladki ke bhai, kisi ladki ke baap,

aaj yh pran lo, kar do apne man ki gandagi ko saaf,

taki phir na yaad karna pade mujhe,

k kuch b kahti rahu per mai,

hu to ek ladki hi naa...