Aj phir zindagi jeena chahti hu
Aj pir kuch gungunana chahti hu
Phir se maa ke aanchal ko sir pe rakhker so jana chahti hu....
Ek masoom bacchii thi main
Dil ki bilkul sacchi thi main
Duniya ko mutthi mein karne ki batein karke
Apne hi upar hasti thi main.
Dosto pe puri nyochavar thi main
Unke sath yayavar thi main
Kitne ache din the vo
Jab un sabke barabar thi main.
Maa jo kam de karna bhool jati thi main
Ghar akar daant khati thi main
Phir pyari maa man jao ga gaker
Maa ka dulaar pati thi main.
Dheer dheere badi ho rahi thi main
Apne khyalo ki duniya mein kho rahi thi main
Ek din yeh ghar choot jayega
Sochkar man hi man ro rahi thi main.
Phir ek din achanak kya hua
Aandhi ayi aur sare sapne toot gaye
Main andar se toot gayi
Mere sare apne rooth gaye.
Kya galat kiya maine
Jo ab rahne layak nahi hu is samaj mein
Bandhane layak nahi hu kisi reeti rivaz mein.
Jo doshi hain, vo to ghum rahe hai khule am
Per main nikalu to ho jata hai rasta jam
Kyu mujhe ab tumlog ghrina ki drishti se dekhte ho
Kyu mere upar apshabd roopi patthar phenkte ho.
Rok sako to rok lo samaj mein ho rahe is paap karm ko
Aur khud bhi kisi ke sath asa mat kro, agar zara si bhi sharm ho.
Nahi jeena chahti main ghut ghut kar band kamre ke andhere mein
Dekhna chahti hu apna kal, khule asmaan ke savere mein.
Tum sab sath do mera, main tumse alag nahi
Main tumhara garv banugi, tumpe kalank nahi
Janti hu vahi karoge, jo hogi tumhari merzi
Par ho sake to puri kar do meri yeh arzi......................
Aaj phir zindagi jeena chahti hu
Aaj phir kuch gungunana chahti hu
Phir se maa ke aanchal ko sir pe rakhkar, pehle ki tarah so jana chahti hu...........................
